KRYEMINISTRI ZORAN ZAEV: MBI 70 VENDE PUNE DHE PAGA BRUTO PREJ RRETH 2.000 EURO ME INVESTIMIN E PARË TË KORESË SË JUGUT NË VEND

“Investimi i ri do të sjellë punë të reja dhe të paguara mirë, gjë që ka një rëndësi të madhe për rritjen ekonomike në vend. Ne mbetemi të përkushtuar për ngritjen e standardit dhe kushteve të jetesës në Maqedoninë e Veriut ”, tha kryeministri Zoran Zaev në fjalimin e tij me rastin e shënimit të fillimit të investimit të parë të ri të  Koresë së Jugut në vendin tonë, nga kompania  “Almak-Dura Extrusion” në Zonat e lira ekonomike – Shkup 2.

Kryeministri Zoran Zaev tha se bëhet fjalë për  një investim të  përbashkët me vlerë 29.9 milion euro në vend, i dy kompanive me famë globale në biznesin e tyre, amerikanët “Dura Automotive Systems” dhe koreanojugor “Almak”.

“Planet e investitorëve për punë janë të detajuara dhe afatgjata. Përpjekjet tona si Qeveri që në fillim janë të ndihmojmë në krijimin e vendeve të punës të paguara mirë. Në atë drejtim, ajo që është veçanërisht e rëndësishme është se në investimin e ri, paga mesatare bruto për personelin me kualifikim të lartë pritet të jetë rreth 2.000 euro. Sipas planit të investitorëve, më shumë se 70 vende të reja pune do të krijohen nga aktivitetet teknologjike që do të kontribuojnë në zhvillimin e ekonomisë lokale, duke filluar nga viti 2022, kur pritet të fillojë prodhimi për eksport. Ngremë nivelin e zhvillimit të stafit cilësor dhe të kualifikuar për nevojat e kompanive në bashkëpunim me komunitetin e biznesit. Qëllimi i përbashkët është të kontribuojmë në zbatimin e praktikave dhe standardeve pozitive për të avancuar punën, prodhimin, produktivitetin, dhe kështu konkurrueshmërinë e kompanive,” tha kryeministri Zoran Zaev, duke shtuar se investimet dhe rezultatet e reja konfirmojnë aktivitetin ekonomik në  zonat e lira ekonomike që është vazhdimisht në rritje, si në aspektin e eksporteve ashtu edhe në numrin e të punësuarve.

Sipas drejtorit të ZLE Jovan Despotovski, këto trende pozitive janë rezultat i konceptit të ri të tërheqjes së investimeve të ZLE dhe Qeverisë i cili bazohet në analizën e 10-të planeve vjetore të investimeve në bazë të të cilave vlerësohen kapacitetet dhe investimet e kompanisë dhe përgatitet paketa e individualizuar për pjesëmarrjen e shtetit.

“Ky është investimi që udhëtoi më gjatë në Maqedoninë Veriore – deri në 8.400 kilometra. Ne arritëm me 0 denarë për hotele të shtrenjta, udhëtime dhe promovime për të arritur një marrëveshje që peshon gati 30 milionë euro. Vetëm nga fillimi i vitit, ne tashmë po numërojmë mbi 120 milionë investime që kan startuar ose para fillimit, të cilat janë rezultat i qasjes së re të zgjuar në punën e ZLE dhe Qeverisë. Ne kemi treguar se me një qasje të hapur dhe të drejtë, me një fytyrë të pastër dhe me një pako masash të synuara ne mund të krijojmë një koncept të ri zhvillimor të ekonomisë maqedonase që do të bazohet në investime që do të përfitojnë nga kompanitë, shteti por edhe qytetarët. Ky është vetëm një hyrje në historinë e madhe. Pas më së largu, ne së shpejti do të njoftojmë investimin më të madh të huaj deri më tani në Maqedoninë Veriore”, tha Jovan Despotovski.

Menaxhmenti i kompanisë së re konfirmoi kushtet dhe mundësitë e favorshme për zhvillimin ekonomik të krijuara nga Qeveria dhe vuri në dukje se vendndodhja e tyre strategjike në Shkup do t’u shërbejë klientëve evropianë. Ndërtimi fillon këtë vit, dhe prodhimi në vitin 2022.

Kompania e Koresë së Jugut, sipas themeluesit dhe drejtorit të saj Soyun Park, përdor energji elektrike të gjelbër në procesin e prodhimit dhe 100 për qind riciklon mbeturina në procesin e prodhimit.

“Ky partneritet i ri nuk simbolizon vetëm biznesin, por një bashkim të dy kulturave, duke mësuar nga njëri – tjetri dhe mundësinë për të krijuar një botë më të mirë. “Ne do të punojmë në ndërtimin e një historie suksesi për të cilën të gjithë do të jemi krenarë,” porositi Park.

“Ekspertiza e kombinuar dhe teknologjitë e prodhimit të brendshëm të Almak dhe Dura u japin prodhuesve të makinave një produkt superior, të krijuar për forcën optimale, integritetin dimensionale dhe performancën. “Ne jemi të kënaqur që kemi një partner si Almak, i cili është një lider në fushën e tij,” tha Karl Bekwith, drejtor ekzektuvi i Dura Automotive Systems.

Kompania e Koresë së Jugut “Almak” do të ketë shumicën e aksioneve në projektin e përbashkët të investimeve prej 70%, dhe arsyeja kryesore për vendimin e tyre për të investuar në Maqedoninë e Veriut, siç u theksua, është përvoja pozitive e partneritetit të tyre të biznesit “Dura Sistemet Automotive” të cilat konfirmuan klimën e shkëlqyer të biznesit në vend dhe mu