Investim i ri potencial nga kompania zvicerane Baumer, takim i suksesshëm me menaxhmentin e fabrikës në Shkup
Drejtori Goce Dimovski sot zhvilloi një takim pune me menaxhmentin e fabrikës Baumer, e cila funksionon në kuadër të ZZHTI Shkupi 1. Në takim u diskutua për aktivitetet e deritanishme të fabrikës, si dhe planet për të ardhmen dhe investimet e reja potenciale, pas së cilës u krye një vizitë në objektin e prodhimit.
Dimovski theksoi se Drejtoria për ZZHTI mbështet çdo investim të ri që do të sjellë rritje më të madhe ekonomike në vend dhe do të krijojë vende të reja pune. “Si institucion, ne punojmë në mënyrë aktive për zhvillim edhe më të madh të kompanive ekzistuese brenda zonave, por edhe për investime të reja potenciale që do të kenë ndikim pozitiv në ekonominë kombëtare.
“Kjo Qeveri, që nga fillimi, ka vendosur si synime kryesore rritjen ekonomike, investimet e reja dhe vendet e reja të punës, dhe me rezultatet e deritanishme pas më shumë se një viti, besoj se mund të bëjmë edhe më shumë.”
Menaxhmenti i Baumer, i cili vepron në kuadër të ZZHTI Shkupi 1, shprehu kënaqësi për bashkëpunimin e deritanishëm dhe prezantoi planet për të ardhmen.
Sonja Stefanovska, drejtoreshë e fabrikës, theksoi se sipas rezultateve të arritura nga kompania në periudhën e kaluar, ekzistojnë mundësi për një rritje potenciale të kapaciteteve prodhuese dhe futjen e teknologjive të reja, të cilat do të krijojnë edhe vende të reja pune.
Kompania zvicerane Baumer prodhon teknologji të përparuar sensorësh, enkoderë dhe instrumente matëse në fushën e elektronikës. Kompania është e pranishme me 39 degë në 19 vende të botës dhe është e pranishme në Maqedoni që nga viti 2019, kur zyrtarisht hapi kapacitetin e saj të prodhimit në Zonën ZZHTI Shkupi 1, ku ndodhet edhe qendra kërkimore, ku punojnë inxhinierë në fushat e elektronikës, teknologjisë së informacionit dhe teknologjisë mekanike.