Takim me kompaninë “Zenith Water Heater”, një investim i ri potencial
Drejtori Goce Dimovski u takua me Kuresh Mukadam, pronar i kompanisë “Zenith Water Heater”, një lider botëror në prodhimin e sistemeve të ngrohjes së ujit me cilësi të lartë. Në takim u diskutua për aktivitetet aktuale të kompanisë, si dhe mundësitë e investimit brenda zonave.
Drejtori Dimovski prezantoi mundësitë e investimit që ofron shteti përmes zonave ZZHTI, duke theksuar mbështetjen aktive për çdo investitor potencial. Ai theksoi klimën e qëndrueshme të biznesit, përfitimet dhe mundësitë e shumta për rritje dhe zhvillim afatgjatë të kompanive në zona.
Pronari i “Zenith Water Heater”, Quresh Mukadam, shprehu interes për të investuar, duke paraqitur plane për zgjerimin e aktiviteteve të biznesit, duke marrë parasysh që kompania është tashmë e pranishme në vend. Ai theksoi bashkëpunimin pozitiv me institucionet dhe e vlerësoi mbështetjen si një faktor të rëndësishëm kur vendoset për një investim të ri.
Zenith Water Heater, me seli në Ajman, Emiratet e Bashkuara Arabe, është ndër prodhuesit kryesorë të ngrohësve të ujit, i dedikuar për të ofruar zgjidhje premium për ngrohjen e ujit. Si degë e Star Industrial Products LLC, një emër i njohur dhe i besuar në industri, kompania ofron sisteme të besueshme dhe efikase të ngrohjes së ujit, të përshtatura për të përmbushur nevojat e shtëpive, bizneseve dhe industrive në më shumë se 30 vende në të gjithë Lindjen e Mesme, Azinë, Evropën dhe Afrikën.