Компанијата Џагатај Кабло ја проширува својата инвестиција во Македонија
На денешната средба со в.д. директорот на ТИРЗ, Гоце Димовски, претседателот на Бордот на компанијата, Ахмет Шемшетин Короглу, и Хабил Мустафаи, директор на фабриката во ТИРЗ, ги претставија инвестициските планови за новата фабрика. Оваа значајна инвестиција претставува потврда на довербата на Џагатај Кабло во економските перспективи и стабилноста на Македонија.
“Нашата Влада е цврсто посветена на поддршка на инвестициите кои го поттикнуваат економскиот раст и отворањето нови работни места за нашите сограѓани. Џагатај Кабло е пример за успешна соработка помеѓу странски компании и локалната економија,” изјави директорот на ТИРЗ, Гоце Димовски.
Основана во 1998 година, турската компанија Џагатај Кабло произведува жици и кабли за автомобилската индустрија. Тие ги снабдуваат водечките производители на автобуси, трактори, градежни машини, камиони, комерцијални возила, климатизери, машини за чистење и специјални аеродромски возила.
Новата фабрика, која ќе биде лоцирана во една од технолошките индустриски развојни зони во Македонија, ќе донесе нови работни места и ќе го зголеми капацитетот на производството. Оваа инвестиција е дел од стратегијата на Џагатај Кабло за проширување на своето присуство на европскиот пазар и зголемување на конкурентноста преку модернизација и оптимизација на производствените процеси.
Џагатај Кабло е позната по својата посветеност на квалитет и иновации, што ја прави доверлив партнер на многу водечки светски производители. Со новата фабрика, компанијата планира да воведе најсовремена технологија и методи за производство, со што ќе ја зајакне својата позиција на пазарот и ќе ги задоволи зголемените барања на своите клиенти.
Очекуваното проширување на инвестицијата на Џагатај Кабло ќе има значајно позитивно влијание врз македонската економија и ќе создаде нови можности за вработување, обука и развој на локалниот кадар. Оваа инвестиција е уште еден пример за успешното привлекување на странски инвестиции во земјата и зајакнувањето на економските врски помеѓу Македонија и Турција.