Остварена средба со турски инвеститори, нови потенцијални инвестици
Директорот Димовски оcтвари средба со високи претставници на компании заинтересирани за вложување во зоните, Бариш Ердем од компанијата Cavo Otomotiv и Музафер Кајхан, претставник на реномираната турска компанија HABAŞ. Во рамки на средбата се разговараше за досегашната соработка помеѓу Македонија и Турција, како и за поволностите кои се нудат во рамки на зоните.
Директорот Димовски ги посочи конкретните предности што се нудат во државата за странските компании, вклучувајќи ги поволните даночни политики, поддршката за нови инвестиции, како и пристапот до квалификувана работна сила. Тој нагласи дека турските компании веќе имаат значајна улога во македонската економија и изрази подготвеност за продлабочување на соработката преку нови инвестиции.
Од страна на претставниците беше изразено задоволство за средбата, со очекување за успешна понатамошна соработка. Тие го нагласија својот интерес за инвестирање во рамки на зоните, со оглед на поволностите кои ги нуди ТИРЗ и Владата.
Основана во 1984 година, Cavo Otomotiv е мултинационална корпорација од автомобилската индустрија, која дизајнира и произведува безбедносни производи, како и различни механизми и работни кабли за бројни водечки производители.
HABAŞ, со висок обем на продажба и извонредни извозни перформанси – е една од главните компании во Турција, која произведува индустриски и медицински гасови, челик, електрична енергија, тешки машини, дистрибуција на гасови и нудење услуги за морски транспорт за ТНГ и оперативни поморски пристаништа.