Остварена успешна средба со градоначалникот на Копер, Алеш Бржан
Директорот Гоце Димовски денес оствари успешна средба со Алеш Бржан, градоначалник на градот Копер, кој е и најголемото пристаниште во Словенија, претставувајќи важен економски и логистички центар. На средбата се разговараше околу билатералната соработка помеѓу двете држави, при што беа согледани можностите за нејзино унапредување.
Димовски ја нагласи важноста на соработката со Словенија и со Копер, која е од особено значење за привлекување нови инвестиции и подобрување на транспортните врски со европските пазари. Димовски посочи дека како институција, во соработка со Владата, ТИРЗ цели кон уште поголем развој и унапредување на условите за директни странски инвестиции.
Алеш Бржан, градоначалник на Копер, изрази задоволство за остварената средба, со очекување за успешна идна соработка. Беше нагласено дека Копер е стратешка точка за поврзување на компаниите од Македонија со европските пазари, особено во делот на брзиот и ефикасен транспорт на стоки. Воедно тој истакна дека Словенија гледа потенцијал во Македонија, земајќи ги предвид условите кои се нудат во зоните.