ПРОМОЦИЈА НА КИ СЕЈФТИ СИСТЕМС ФАБРИКАТА ВО ТИРЗ КИЧЕВО

ПРОМОЦИЈА НА КИ СЕЈФТИ СИСТЕМС ФАБРИКАТА ВО ТИРЗ КИЧЕВО

Американската компанија „Ки сејфти системс“ организираше промотивен настан за имплементација на нивниот инвестициски проект во Технолошко-индустриската развојна зона Кичево.

„Ки сејфти системс“, која произведува воздушни перничиња, безбедносни ремени и производи, има 34 фабрики во 12 земји во светот. Компанијата започна со браунфилд инвестиција во градот Кичево, каде што во моментов се вработени 72 луѓе. Додека новата фабрика во Технолошко-индустриската развојна зона Кичево се очекува да биде пуштена во употреба до крајот на октомври.

Фабриката во која ќе се произведуваат воздушни перничиња за автомобили е инвестиција во вредност од 20 милиони евра, а ќе отвори 1.000 нови работни места.

„Ки сејфти системс“ е глобален лидер во дизајн, развој и производство на автомобилски безбедносни компоненти и системи. Нејзините производи се вклучени во повеќе од 300 модели на автомобили произведени од страна на повеќе од 60 брендови низ целиот свет. КСС е со седиште во Мичиген, со глобална мрежа од 29 продажни места, инженеринг, и производствени капацитети кои вработуваат околу 9.000 луѓе во светот. Компанијата има 5 главни технички центри лоцирани во САД, Германија, Кина, Јапонија и Јужна Кореја.