Успешна средба со Ал Мухари, заменик извршен директор на инвестициската компанија Мубадала од Абу Даби

Успешна средба со Ал Мухари, заменик извршен директор на инвестициската компанија Мубадала од Абу Даби

Директорот Гоце Димовски како дел од владината делегација предводена од вицепремиерот и министер за транспорт, Александар Николоски, а во состав од министерот за надворешни работи и надворешна трговија, Тимчо Муцунски и Игор Јанушев, генерален секретар на Владата, денеска во Абу Даби оствари средба со Валид Ал Мокараб Ал Мухари – заменик извршен директор на Мубадала – инвестициска компанија од Обединетите Арапски Емирати.

На средбата се разговараше за потенцијалната соработка, при што беа презентирани условите што ги нуди Македонија на странските инвеститори, како и потенцијалните можности за инвестиции во делот на технологијата, туризмот, инфраструктурата и земјоделието.

Димовски од своја страна ги презентираше поволностите кои ги нудат Технолошките Индустриски Развојни Зони, земајќи ја предвид одличната геостратешка положба на Македонија која на инвеститорите им нуди предност во регионот и директно поврзување со пазарите во Централна Европа. Беше потенцирана и квалитетната работна сила, како и големата модернизација и поволност на моделот на работа на зоните.

Оваа средба претставува голема можност за отворање на нови перспективи меѓу двете земји, особено во делот на стратешките инвестиции и размена на знаења и иновации, што ќе донесе додадена вредност за двете земји.

Инаку, Мубадала е државна инвестициска компанија со седиште во Абу Даби, која работи на шест континенти во различни сектори со портфолио од 302 милијарди долари. Надвор од ОАЕ, компанијата има канцеларии и во Лондон, Москва, Њујорк и Пекинг.