Takimi i suksesshëm me Al Muhari, Zëvendës i kompanisë investuese të Abu Dabi Mubadala
Drejtori Goce Dimovski si pjesë e delegacionit qeveritar të kryesuar nga zëvendëskryeministri dhe ministri i Transportit, Aleksandar Nikoloski, në përbërje të të cilit janë ministri i Punëve të Jashtme dhe Tregtisë së Jashtme, Timço Mucunski dhe Igor Janushev, Sekretari i Përgjithshëm i Qeverisë, sot në Abu Dabi u takua me Walid Al Mokarab Al Muhari – Zëvendës i Mubadala – një kompani investuese nga Emiratet e Bashkuara Arabe.
Në takim u bisedua për bashkëpunim potencial, duke u prezantuar kushtet që ofron Maqedonia për investitorët e huaj, si dhe mundësitë potenciale për investime në teknologji, turizëm, infrastrukturë dhe bujqësi.
Dimovski, nga ana e tij, prezantoi përfitimet që ofrojnë Zonat Zhvillimore Teknologjike Industriale, duke marrë parasysh pozitën e shkëlqyer gjeostrategjike të Maqedonisë, e cila i ofron investitorëve përparësi në rajon dhe lidhje të drejtpërdrejtë me tregjet në Evropën Qendrore. U theksua gjithashtu fuqia punëtore cilësore, si dhe modernizimi dhe komoditeti i madh i modelit të funksionimit të zonave.
Ky takim paraqet një mundësi të madhe për të hapur perspektiva të reja mes dy vendeve, veçanërisht në fushën e investimeve strategjike dhe shkëmbimit të njohurive dhe inovacioneve, të cilat do të sjellin vlerë të shtuar për të dy vendet.
Mubadala është një kompani investimi në pronësi shtetërore me seli në Abu Dabi, që operon në gjashtë kontinente në sektorë të ndryshëm me një portofol prej 302 miliardë dollarësh. Jashtë Emiratet e Bashkuara Arabe, kompania ka gjithashtu zyra në Londër, Moskë, Nju Jork dhe Pekin.