ТРЕТА ИНВЕСТИЦИЈА НА „ЏОНСОН КОНТРОЛС“ ВО МАКЕДОНИЈА

ТРЕТА ИНВЕСТИЦИЈА НА „ЏОНСОН КОНТРОЛС“ ВО МАКЕДОНИЈА

Компанијата „Џонсон контролс“ ќе ја отвори новата фабрика во Струмица. Новата инвестиција ќе отвори 1.500 работни места.

Директорот на „Џонсон контролс“ Вили Ван-Лој и директорот на Дирекцијата за технолошки индустриски развојни зони Виктор Мизо, најавија дека оваа инвестиција ќе започне како браунфилд инвестиција во постоечки објект и со текот на времето ќе се реализира и гринфилд инвестицијата.

“Се соочуваме со предизвиците на капацитетот во Европа и поради тоа се одлучивме за Македонија”, изјави Ван-Лој.

Според Мизо, фактот дека „Џонсон контролс“ донесе одлука повторно да инвестира во Македонија е потврда за успешноста на политиките на Владата за создавање на позитивна бизнис клима.

“Ова е трет пат „Џонсон контролс“ да инвестира во Македонија. Првиот пат беше во 2006 година во Скопје, вториот проект беше во 2011 година во Штип, а по трет пат ќе биде во Струмица, посочи Виктор Мизо и додаде дека се одвиваат сите работи за адаптација во слободната зона во Струмица.