Takim i suksesshëm me Heidelberg Postpress, plane për investime të mundshme në fazën e avancuar
Me qëllim që të hartohen plane për një investim të mundshëm nga kompania gjermane Heidelberg Postpress, i cili u njoftua muajin e kaluar, drejtori Dimovski u takua me menaxhmentin e kompanisë. Në takim u diskutuan kushtet dhe mundësitë specifike për realizimin e investimit, vendndodhja e mundshme brenda ZZHTI Shkup dhe ZZHTI Shtip, dinamika e zbatimit, si dhe mbështetja që institucionet mund të ofrojnë.
Drejtori Dimovski theksoi se interesi i Heidelberg Postpress është edhe një konfirmim i besimit të kompanive gjermane në stabilitetin dhe potencialin e vendit, duke theksuar se institucionet mbeten një partner i qëndrueshëm në realizimin e investimeve të tilla strategjike.
Matias Laubenshtajn, drejtor i Heidelberg Postpress, shprehu kënaqësinë me komunikimin e deritanishëm dhe kushtet e investimit, duke theksuar se kompania po analizon me kujdes hapat e mëtejshëm në mënyrë që të marrë një vendim përfundimtar për investim.
Bisedimet me këtë kompani kryesore gjermane të teknologjisë filluan muajin e kaluar dhe, pas shqyrtimit të mundësive për një investim të mundshëm, procesi është në një fazë të avancuar. Kompania me 175 vjet përvojë është ofruese e zgjidhjeve të plota në fushat kryesore të paketimit dhe printimit dixhital, si dhe zgjidhjeve softuerike.