Drejtori Goce Dimovski pjesë e Forumit të Biznesit Maqedono-Japonez në Shkup, takime biznesi me kompani kryesore japoneze
Me qëllim thellimin e bashkëpunimit ekonomik me Japoninë, drejtori Goce Dimovski sot mori pjesë në Forumin e Biznesit Maqedono-Japonez “LinkUP”, të organizuar nga Ambasada Japoneze në Maqedoni. Ngjarjen e hapi Ministri i Punëve të Jashtme dhe Tregtisë së Jashtme, Timço Mucunski, si dhe Ambasadorja e Japonisë, Secuko Kavahara. Njëkohësisht, të pranishëm ishin edhe përfaqësues të shumtë të kompanive si Mitsubishi, Takeda Pharmaceutical, Hitachi Energy, ITOCHU Corporation, Hitachi Energy dhe të tjera.
Ministri Timço Muçunski, në fjalimin e tij, theksoi se marrëdhëniet ekonomike midis Maqedonisë dhe Japonisë kanë potencial të konsiderueshëm për thellim të mëtejshëm, duke theksuar se Qeveria mbetet e përkushtuar për krijimin e një klime biznesi të qëndrueshme dhe të parashikueshme që do t’i inkurajojë kompanitë japoneze ta njohin vendin si një destinacion tërheqës për investime. Ai theksoi se ngjarje të tilla paraqesin një platformë të rëndësishme për lidhjen e drejtpërdrejtë të kompanive nga të dy vendet dhe hapjen e mundësive të reja për partneritete, bashkëpunim teknologjik dhe investime me vlerë të lartë të shtuar.
Ambasadorja e Japonisë, Secuko Kavahara, theksoi se Japonia dhe Maqedonia kanë marrëdhënie miqësore afatgjata dhe shprehu besim se bashkëpunimi ekonomik do të vazhdojë të zhvillohet në periudhën e ardhshme. Ajo theksoi se interesi i kompanive japoneze në rajon është në rritje, veçanërisht në fushat që lidhen me teknologjitë e përparuara, energjinë dhe inovacionin, me ç’rast ngjarje të tilla biznesi paraqesin një mundësi të rëndësishme për krijimin e lidhjeve dhe partneriteteve të reja biznesi.
Si pjesë e këtij eventi, Drejtori Dimovski u takua me përfaqësuesit e kompanisë, duke theksuar mundësitë e investimit që ofron ZZHTI, me theks në mjedisin e qëndrueshëm të biznesit, avantazhet konkurruese dhe pozicionin strategjik gjeografik të vendit.