Drejtori Goce Dimovski prezantoi mundësitë investuese para një delegacioni biznesi nga Brazili
Në kuadër të Forumit të Biznesit dhe Investimeve Brazil–Maqedoni, drejtori Goce Dimovski prezantoi mundësitë investuese që ofron vendi përmes ZZHTI. Forumi përfaqëson një platformë të rëndësishme për vendosjen dhe avancimin e bashkëpunimit ekonomik ndërmjet Maqedonisë dhe Brazilit, me qëllim nxitjen e shkëmbimit tregtar, tërheqjen e investimeve të huaja direkte dhe zhvillimin e partneriteteve të reja të biznesit.
Në fjalën e tij, drejtori Dimovski theksoi përparësitë që ofron shteti për investitorët e huaj, me theks të veçantë në mjedisin e favorshëm të biznesit, pozitën strategjike gjeografike, anëtarësimin në NATO, qasjen në tregje të shumta ndërkombëtare përmes marrëveshjeve të tregtisë së lirë, si dhe kushtet konkurruese që ofron ZZHTI. Ai nënvizoi se ZZHTI mbetet një partner i sigurt dhe i besueshëm për investitorët, duke ofruar mbështetje institucionale në të gjitha fazat e procesit të investimit.
Në forum mori pjesë një delegacion i përbërë nga përfaqësues të shumë kompanive braziliane që veprojnë në industri të ndryshme. Në kuadër të forumit, drejtori Dimovski zhvilloi takime të drejtpërdrejta me përfaqësuesit e kompanive, gjatë të cilave u prezantuan mundësitë për investim në ZZHTI, si dhe potencialet për krijimin e bashkëpunimit afatgjatë ekonomik dhe realizimin e investimeve të reja.
Pjesëmarrja në forume të tilla biznesi përfaqëson një hap të rëndësishëm në promovimin e Maqedonisë dhe ZZHTI si një destinacion konkurrues dhe tërheqës për investime, si dhe në hapjen e mundësive të reja për bashkëpunim ekonomik me kompani shumëkombëshe.
