Takim me përfaqësues të klubit të biznesit Belgjikë–Maqedoni dhe kompanisë franceze Euro-Tech Distribution
Drejtori Goce Dimovski sot zhvilloi një takim me përfaqësues të klubit të biznesit Belgjikë–Maqedoni dhe kompanisë franceze Euro-Tech Distribution. Takimi përfshiu bisedime lidhur me aktivitetet aktuale, ndërsa u prezantuan edhe mundësitë që ofrojnë Zonat e Zhvillimit Teknologjik dhe Industrial si dhe klima e favorshme e biznesit në vend.
Drejtori Dimovski theksoi se tërheqja e investimeve të huaja cilësore mbetet një nga prioritetet kryesore të ZZHTI, me fokus në projekte që krijojnë vlerë të shtuar, hapin vende të reja pune dhe kontribuojnë në rritje të qëndrueshme ekonomike. Ai nënvizoi se synimi është që, përmes një partneriteti të ngushtë, institucioneve efikase dhe një mjedisi biznesi të qëndrueshëm e të parashikueshëm, të krijohen kushte për investime të reja me efekt pozitiv afatgjatë për ekonominë e Maqedonisë.
Nga ana e përfaqësuesve të klubit të biznesit Belgjikë–Maqedoni dhe kompanisë franceze Euro-Tech Distribution u shpreh interes i veçantë për mundësitë që ofron Maqedonia si destinacion investimesh. Njëkohësisht, u theksua gatishmëria për komunikim të mëtejshëm dhe shkëmbim informacioni me qëllim shqyrtimin e mundësive konkrete për investime dhe vendosjen e bashkëpunimit të mëtejshëm.
Euro-Tech Distribution është një kompani franceze e specializuar në zhvillimin, prodhimin dhe shpërndarjen e pajisjeve të vogla dhe aparateve për amvisëri. Me më shumë se 25 vjet përvojë, kompania ofron një gamë të gjerë produktesh, duke përfshirë robotë fshesë, robotë për pastrimin e pishinave, pajisje kuzhine, pajisje për ngrohje dhe ftohje, si dhe produkte për kujdes personal. Krahas zhvillimit të produkteve të veta, kompania ofron edhe mbështetje pas shitjes dhe shpërndarje në tregjet evropiane, me seli në Bondues, Francë.
Ky takim paraqet edhe një hap tjetër në drejtim të promovimit aktiv të potencialeve investuese dhe sigurimit të mbështetjes efikase për të gjitha kompanitë që shohin mundësi për rritje dhe zhvillim në kuadër të Zonave të Zhvillimit Teknologjik dhe Industrial. Drejtoria për ZZHTI mbetet e përkushtuar në avancimin e pozitës së shtetit në hartën e investimeve të huaja direkte.
