Transformimi i zonave jo-funksionale teknologjike industriale zhvillimore në zona industriale bëhet me qëllim krijimin e mundësive për zhvillim më të madh të kompanive vendore dhe nxitjen e zhvillimit ekonomik lokal.

Transformimi i zonave jo-funksionale teknologjike industriale zhvillimore në zona industriale bëhet me qëllim krijimin e mundësive për zhvillim më të madh të kompanive vendore dhe nxitjen e zhvillimit ekonomik lokal.

Drejtori Goce Dimovski zhvilloi sot një takim me kryetarët e komunave Vinicë – Mitko Kostadinovski, Dellçevë – Ivan Gocevski, Kratovë – Todorçe Nikollovski, Radovish – Lupçe Poçivalec, Rankovcë – Daniel Pavlovski, si dhe me sekretarin e Komunës së Kërçovës – Aleksandar Mickoski. Takimi ishte i përqendruar në aktivitetet e ardhshme lidhur me transformimin e Zonave Teknologjike Industriale Zhvillimore (ZZHTI) në zona industriale dhe transferimin e tyre nën kompetencën e vetëqeverisjes lokale, me qëllim krijimin e një modeli më efikas të menaxhimit dhe nxitjen e zhvillimit ekonomik lokal.

Drejtori Goce Dimovski theksoi se procesi i transformimit paraqet një hap të rëndësishëm drejt zhvillimit më të madh ekonomik në nivel lokal, si dhe forcimit të rolit të komunave. Ai nënvizoi rëndësinë e një qasjeje të koordinuar dhe graduale në procesin e transferimit të kompetencave, me qëllim që të sigurohet vazhdimësia e funksionimit të zonave dhe të shmangen pengesat e mundshme gjatë periudhës së transformimit.

Nga ana e vetëqeverisjes lokale u shpreh gatishmëri për bashkëpunim aktiv dhe përfshirje konstruktive në të gjithë procesin, me qëllim sigurimin e një tranzicioni të pandërprerë dhe marrjen efikase të kompetencave. Kryetarët e komunave dhe përfaqësuesit e tyre theksuan se ky model hap mundësi të reja për zhvillim më të shpejtë lokal, menaxhim më të mirë të infrastrukturës ekzistuese, fleksibilitet më të madh në marrjen e vendimeve lidhur me aktivitetet ekonomike në komunat e tyre, si dhe krijimin e mundësive për zhvillimin e kompanive vendore.